Ċiklist żagħżugħ iweġġa' wara li ħabat ma' bollard

Żagħżugħ ta’ 17-il sena qed isofri minn ġrieħi gravi wara inċident bir-rota.

Il-każ seħħ ilbieraħ għall-ħabta tal-għaxra u kwart fi Triq Santa Tereża, Bormla.

Jidher li ż-żagħżugħ, residenti Ħaż-Żabbar, tilef il-kontroll tar-rota u ħabat ma’ bollard.

Mal-impatt, iż-żagħżugħ sofra minn ġrieħi gravi.

L-investigazzjoni tal-Pulizija dwar dan l-inċident għadha għaddejja.