Aġġornata | Raġel jaqa' f'sit ta' kostruzzjoni fil-Ħamrun u jsofri minn ġrieħi gravi

Illum, għall-ħabta tat-3:30 p.m il-Pulizija ġew infurmati li raġel ta' 25 sena mis-Sudan waqa’ minn xi għoli ġewwa sit ta’ kostruzzjoni li tinsab fi Triq Ġiovanni Barbara, il-Ħamrun.

Minn investigazzjonijiet preliminari li għamlet il-Pulizija tad-Distrett, irriżulta li r-raġel, li l-identita’ tiegħu għadha mhux magħrufa, kien qed jagħmel xi xogħol meta għal xi raġuni waqa’ minn xi għoli mill-istess sit. Il-vittma kien assistit minn tim mediku fuq il-post u ttieħed l-Isptar Mater Dei permezz ta’ ambulanza fejn ġie ċċertifikat li qiegħed isofri minn ġrieħi ta’ natura gravi.

L-investigazzjoni tal-Pulizija għadha għaddejja.