L-immigranti li ddaħħlu Malta nhar il-Ħamis huma kollha negattivi għall-Covid-19

Meta kienet qed tindirizza konferenza tal-aħbarijiet is-Supretendent tas-Saħħa Pubblika Charmaine Gauci qalet illi l-immigranti li ddaħħlu Malta nhar il-Ħamis bil-lejl ġew kollha swabbed u kollha rriżultaw fin-negattiv għall-Covid-19.

Hija qalet illi dawn l-immigranti issa qegħdin kollha fi kwarantina. 

Din id-dgħajsa ġabet magħha kontroversja kbira hekk kif ħafna nies tawha għall-midja soċjali biex jikkritikaw id-deċiżjoni tal-Gvern li jdaħħal immigranti f'dan iż-żmien partikolari. 

Ilbieraħ il-Prim Ministru Robert Abela qal illi din id-dgħajsa kienet l-aħħar li daħlet u li issa l-Gvern għalaq il-portijiet. 

Intant Gauci llum ħabbret illi fl-aħħar 24 siegħa kien hawn 20 każ ġdid ta' Covid-19, li minnhom 10 huma immigranti fiċ-ċentru miftuħ ta' Ħal Far.