Żewġ ħallelin iwaqqfu lil tad-delivery, jhedduh u jisirqulu l-flus

Il-Pulizija qed tinvestiga serqa li seħħet matul il-lejl li għadda fuq żagħżugħ ta' 28 sena, mill-Pakistan waqt li kien qiegħed xogħol f'San Ġwann.

Kien għall-ħabta tas-1:15am, meta ż-żagħżugħ mar l-għadda ta' San Ġiljan jirrapporta li kien għadu kemm ġie misruq fi Triq it-Tfief f'San Ġwann.

Spjega kif meta kien se jsuq il-mutur, wara li wassal ordni ta' ikel, waqfu quddiemu żewġt irġiel tant li hu waqa' minn fuq il-mutur. Armati b'sikkina huma heddewh biex jagħtihom il-flus.

Malli ħadu l-flus huma ħarbu.

L-investigazzjonijiet tal-Pulizija għadhom għaddejjin.