Pustiera ta' 19-il sena titlef ħajjitha wara inċident fil-Marsa

Tfajla ta’ 19-il sena, residenti l-Qrendi, tilfet ħajjitha wara li kienet involuta f’inċident tat-traffiku fi Triq Ħal Qormi, il-Marsa.

L-inċident seħħ għall-ħabta tat-8:00am.

Jirriżulta li t-tfajla, impjegata tal-MaltaPost, tilfet il-kontroll tat-tip Paxter u nqalbet, bil-konsegwenza li ħarġet mill-vettura u ġiet taħtha.

Fuq il-post issejħet ambulanza li ħadet lit-tfajla Mater Dei iżda mietet ftit wara.

Dwar il-każ infetħet inkjesta maġisterjali.