194 vittma tal-Covid-19; Imutu erba' anzjani oħra

Il-Ministeru għas-Saħħa ħabbar li erba’ anzjani mietu waqt li kienu pożittivi għall-Covid-19.

Fl-ewwel każ, anzjan ta’ 72 sena, li kien ikkonfermat pożittiv għall-Covid-19 fit-8 ta’ Diċembru, miet ilbieraħ fil-Good Samaritan Long Term Care Facility.

Fit-tieni każ, anzjan ta’ 78 sena, li kien ikkonfermat pożittiv għall-Covid-19 fis-16 ta’ Diċembru, miet lbieraħ fl-Isptar Mater Dei.

Fit-tielet każ, anzjana ta’ 72 sena li kienet ikkonfermata pożittiva għall-Covid-19 fit-2 ta’ Diċembru, mietet ilbieraħ fl-Isptar Mater Dei.

Fir-raba’ każ, anzjan ta’ 75 sena, li kien ikkonfermat pożittiv għall-Covid-19, fl-14 ta’ Diċembru, miet ilbieraħ fl-Isptar Mater Dei.

Dan ifisser li l-għadd tal-vittmi issa tela' għal 194.

Aqra wkoll:

• 88 każ ġdid minn total ta' 2,868 test fl-aħħar 24 siegħa u jfiequ 137 persuna