Il-Pulizija Maltija tarresta żagħżugħ wara Mandat ta' Arrest Ewropew maħruġ mill-Ġermanja

Ir-raġel kien imfittex sabiex jgħaddi proċeduri kriminali dwar serqa armata u kriminalità organizzata fil-Ġermanja

22 ta' Jannar 2021 12:35
minn Yendrick Cioffi

Il-Pulizija Maltija mit-Taqsima tar-Relazzjonijiet Internazzjonali, ilbieraħ arrestaw raġel mill-Kamerun, ta’ 25 sena, permezz ta' Mandat ta' Arrest Ewropew, maħruġ fuq talba tal-Awtoritajiet Ġermaniżi.

Ir-raġel kien imfittex sabiex jgħaddi proċeduri kriminali dwar serqa armata u kriminalità organizzata fil-Ġermanja.

L-istess persuna bħalissa qiegħed jiskonta sentenza fil-ħabs ta' Kordin, wara li f'Settembru li għadda nstab ħati fuq reati relatati ma’ passaporti foloz.

Ir-raġel tressaq il-Qorti aktar kmieni illum biex jibda proċeduri ta' estradizzjoni fejn aċċetta li jiġi estradit lejn il-Ġermanja.

Huwa se jibqa' jinżamm arrestat.

Il-Prosekuzzjoni tmexxiet mill-Ispettur Mark Galea, mit-Taqsima tar-Relazzjonijiet Internazzjonali.

Yendrick Cioffi studja l-ġurnaliżmu fl-Università ta' Malta fejn kiseb Baċċellerat bl...

Il-Pulizija Maltija tarresta żagħżugħ wara Mandat ta' Arrest Ewropew maħruġ mill-Ġermanja

Ir-raġel kien imfittex sabiex jgħaddi proċeduri kriminali dwar serqa armata u kriminalità organizzata fil-Ġermanja

Lidl mwaqqaf mill-Awtorità tal-Kompetizzjoni milli jixtri supermarket f’Ħaż-Żabbar

Kaos totali fil-bypass ta' Marsa/Ħamrun wara li vettura tieħu n-nar

'Kuraġġ, you can make it': Titfakkar il-memorja ta' Karl Gouder

L-ERA toġġezzjona r-regolarizzazzjoni ta' żewġ pixxini illegali f'ODZ mibnija minn Portelli