Raġel ta' 40 sena jibqa' dieħel ġo ħames karozzi f'Bormla

Ilbieraħ, għall-ħabta tal-11:30 p.m il-Pulizija intalbet biex tassisti fi Triq San Pawl, Bormla.

Mill-ewwel stħarriġ irriżulta li raġel ta’ 40 sena li jgħix Raħal Ġdid, tilef il-kontroll tal-vettura Toyota Corsa u ħabat ġo ħames vetturi li kienu pparkjati.

Fil-vettura, passiġġier kien hemm ġuvni ta’ sittax-il sena li jgħix Bormla.

Mill-ewwel intalbet l-assistenza ta’ tim mediku mill-Isptar Mater Dei, kif ukoll membri tal-Protezzjoni Ċivili u r-raġel ittieħed l-isptar permezz ta’ ambulanza.

Aktar tard il-ġuvni ġie ċċertifikat li weġġa’ gravi filwaqt li r-raġel weġġa ħafif.

L-investigazzjonijiet tal-Pulizija għadhom għaddejjin