Jittajjar minn vettura li baqgħet sejra; Sewwieq ta' mutur fil-periklu tal-mewt

Sewwieq ta' mutur jinsab fil-periklu tal-mewt wara inċident tat-traffiku li seħħ ilbieraħ fil-11:10pm.

Il-każ seħħ fil-bypass ta' San Pawl il-Baħar.

Jidher li s-sewwieq ittajjar minn vettura, tal-għamla Honda CBR li baqgħet sejra.

Is-sewwieq ta' 30 sena ddaħħal Mater Dei fejn ġie ċċertifikat li qed isofri minn ġrieħi serji.

Il-Maġistrat tal-Għassa Astrid May Grima ġiet infurmata bil-każ u ħatret inkjesta, filwaqt li l-Investigazzjonijiet tal-Pulizija għadhom għaddejin.