Raġel jinsab fil-periklu tal-mewt wara li ċeda saqaf bih fil-Ħamrun

Raġel ta' 47 sena jinsab fil-periklu tal-mewt wara li ċeda saqaf bih f'residenza privata fil-Ħamrun.

Il-każ seħħ fi Triq Patri Magri.

Jidher li l-ħaddiem, minn Ħal Għargħur, kien qed jaħdem fuq din ir-residenza li fuqha qed isiru xogħlijiet ta' kostruzzjoni, meta s-saqaf ċeda bih. 

Fuq il-post issejħu l-membri tal-Protezzjoni Ċivili biex ħarġu lir-raġel u anke tim mediku li tah l-ewwel għajnuna u waslu Mater Dei.

Malli wasal l-isptar, irriżulta li r-raġel kien qed isofri minn ġrieħi serji.

Dwar il-każ infetħet inkjesta maġisterjali.