Sewwieq ta' serkin jitlef ħajtu wara ħabta ma' karozza fir-Rabat

Sewwieq ta' serkin li għandu 66 sena, tilef ħajtu wara ħabta li seħħet dalgħodu, fir-Rabat.

L-inċident seħħ għall-ħabta tad-9:00am, fi Triq Ħad-Dingli.

Mill-ewwel informazzjoni jirriżulta li kien hemm ħabta bejn karozza, misjuqa minn mara ta' 49 sena mir-Rabat u serkin li fuqu kien hemm żewġt irġiel ta' 66 u 64 sena.

Iż-żewġt irġiel ittieħdu Mater Dei. Ir-raġel ta' 66 sena kien iċċertifikat mejjet ftit wara. Il-kundizzjoni tal-anzjan l-ieħor għadha mhux magħrufa.