Żagħżugħ iweġġa' wara li idu nqabdet fil-makkinarju ta' trakk tal-ġbir tal-iskart

Żagħżugħ ġarrab ġrieħi gravi wara li idu nqabdet fil-makkinarju tat-trakk tal-ġbir tal-iskart li hu kien qed iħaddem.

Il-Pulizija kienet infurmata bil-każ għall-ħabta tal-kwarta ta’ waranofsinhar fi Triq Dawret it-Tunnara fil-Mellieħa.

Iż-żagħżugħ li weġġa’ għandu 28 sena u huwa mill-Mali.

Huwa ngħata l-ewwel għajnuna fuq il-post sakemm ittieħed Mater Dei.

Il-Pulizija għadha qed tinvestiga l-każ.