Imut l-eks Brigadier tal-Forzi Armati, Maurice Calleja

Il-Brigadier Maurice Calleja, eks Kmandant fil-Forzi Armati ta' Malta (AFM), ħalla din id-dinja ta' 87 sena. Calleja li tħarreġ fl-Akkademija Militari ta' Sandhurst fir-Renju Unit, għal diversi snin kien espert fil-Qorti ta' Malta fuq forensika ballistika u baqa' jagħmel dan sal-2013, meta ġie appuntat biex imexxi bord fuq l-inġustizzji fi ħdan l-AFM. 

Apparti minn hekk huwa kien inkarigat bħala kmandant tal-Forzi Armati bejn Settembru ta' 1991 u Diċembru tal-1993. Huwa kellu jirriżenja minħabba l-arrest ta' ibnu Meinrad Calleja li kien arrestat u akkużat fuq importazzjoni ta' narkotiċi.