Anzjan jaqa' t-taraġ u jmut fuq il-post ġewwa residenza f'Ħaż-Żabbar

Kmieni dalgħodu, il-Pulizija ġiet infurmata li kien seħħ inċident ġewwa residenza fi Triq ix-Xgħajra, Ħaż-Żabbar.

Minn investigazzjoni preliminari rriżulta li raġel ta’ 75 sena li joqod fl-istess residenza, waqa’ waqt li kien waħdu fit-taraġ.

Tim mediku ssejjaħ fuq il-post iżda sfortunatament huwa kien iċċertifikat mejjet.

Bil-każ ġiet infurmata l-Maġistrat tal-Għassa Dr Nadine Lia LL.D li ħatret inkjetsa, filwaqt li l- investigazzjonijiet tal-Pulizija għadhom għaddejjin.