Raġel jittieħed l-isptar wara li waqa' sular minn gallarija

Raġel ta’ 28 sena li jgħix l-Imġarr weġġa’ gravi wara li waqa’ madwar sular għoli waqt li kien f’gallarija.

Il-każ seħħ għall-ħabta tal-10:10am fi Triq il-Ħarruba l-Imġarr. Il-Pulizija marret fuq il-post, fejn mill-ewwel investigazzjonijiet, irriżulta li r-raġel waqa’ minn gallarija ta’ residenza privata. 

Fuq il-post issejjaħ tim mediku u r-raġel ittieħed l-Isptar Mater Dei għal aktar kura, fejn ġie ċċertifikat li sofra minn ġrieħi gravi. 

L-investigazzjonijiet tal-Pulizija dwar il-każ għadhom għaddejjin.