It-Tnejn waranofsinhar għall-ħabta tat-3:30pm seħħ inċident tat-traffiku Vjal l-Avjazzoni, Ħal Luqa.
Minn stħarriġ preliminari rriżulta li hawn seħħet ħabta bejn mutur Honda misjuq minn raġel ta' 23 sena li jgħix l-Imqabba u karozza tal-għamla Citroen Berlingo misjuqa minn raġel ta' 48 sena li jgħix f'Wied il-Għajn.
Fuq il-post issejjaħ tim mediku u ambulanza li ħadet lix-xufier tal-mutur l-Isptar Mater Dei għal aktar kura, fejn aktar tard ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
