Ix-xogħol fuq toroq prinċipali u ż-żieda fl-użu ta’ karozzi privati wasslu biex il-kabinett tal-ministri ordna li l-pulizija joħorġu bi ħġarhom biex jikkontrollaw it-traffiku, fosthom anke pulizija tal-RIU.
Dan kellu effett żgħir fuq it-traffiku, l-iktar fl-inħawi tal-Marsa, Baħar iċ-Ċagħaq u l-Imsida.
Il-problema tat-traffiku gravat meta bdew l-iskejjel.
Hemm biża’ akbar li meta tibda x-xita se jkun hemm straġi ikbar.
Kien il-Ministru tal-Finanzi Edward Scicluna li stqarr li d-dewmien fit-traffiku kien qed jikkaġuna ħsara fl-ekonomija.
Bil-falliment tal-Arriva u d-dubji li t-trasport pubbliku taħt Joe Mizzi mhux se jagħmel xi avvanzi kbar, id-dipendenza fuq il-karozzi privati se tiżdied.
Il-Ħadd, il-Kap tal-Oppożizzjoni Simon Busuttil qal li l-Gvern ta’ Muscat kien qed joħloq ‘fabbrika tal-kanċer’ bil-problema tat-traffiku.
.jpg)
