L-għaqda Studenti Demokristjani Maltin, SDM, ilbieraħ rebħet l-elezzjoni għall-Kunsill Studenti Junior College, KSJC, billi tellgħet sebgħa kandidati mis-sebgħa li kellha.
Għal tul ta' żmien, l-Għaqda Pulse kienet tirbaħ din l-elezzjoni fil-Juniour College. Is-sena l-oħra l-KSJC kien imħallat minn membri taż-żewġ naħat. Din id-darba iżda jidher li l-SDM se jkunu qed imexxu l-iskola post-sekondarja fl-Imsida.
L-SDM, bis-slogan Make It Happen, ġabu 959 vot waqt li l-Pulse kisbu 679. 321 vot kienu mħallta u 35 dubjużi.
Jake Scerri se jkun il-President tal-Kunsill, bl-għajnuna ta' Sean Ellul, Mauro Karl Sultana, Amy Zahra, Keith Grima, Elonia Aquilina u Luana Vella.
