Godfrey Farrugia mhux se jieħu sehem fl-attivita tal-PN f'Taż-Żonqor

It-tabib Godfrey Farrugia, qal lil Inews dalgħodu li hu mhux se jieħu sehem fil-protesta li qed jorganizza l-PN f'Taż-Żonqor. Dan wara li l-bieraħ l-kumpanja tiegħu Marlene Farrugia qalet li hi se tattendi għax hi favur dawk kollha li ma jħallux proġetti jinbnew fuq art ODZ. 

F'kummenti lil inewsmalta.com, Dr Farrugia qal li għalkemm ġimgħa ilu attenda għat-tnedija tal-Front Ħarsien ODZ għax huwa favur il-ħarsien taż-żoni barra l-iżvilupp, il-pożizzjoni tiegħu hija favur li jsir il-proġett tal-università iżda kontra li l-università tinbena f'żona barra l-iżvilupp.