Ritratt li qed idur fuq Facebook juri persuna li qed issuq f'lokalità f'Malta liebsa il-burqa. Din tfisser li l-mara li qed issuq kellha wiċċha mgħammad kompletament b'għajnejha biss jidhru.
Il-kummenti li hemm għaddejjin qed jistaqsu jekk dan hux legali li wieħed isuq b'wiċċu mgħammad b'wieħed mill-kummenti jkun li l-pulizija ikkonfermat li dan hu permissibli.
Oħrajn ikummentaw li meta marru l-bank liebsin nuċċali tax-xemx, dawn ġew imwaqqfa fil-bieb minn membri tas-sigurtà u ma' tħallewx jidħlu. Hemm min ikummenta dwar il-każ ta' meta persuna tkun b'mutur u liebsa crash helemt fejn dawn jiġu mġiegħla jneħħuhom iżda mhux l-istess għal persuna li tkun mgħottija bil-burqa.
Oħrajn ikkummentaw li din il-prattika tista' twassal biex ikun hemm min jilbes il-burqa bi skuża jew skop li jisraq bla ma jkollu wiċċu jidher.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
