Minn mistoqsija Parlamentari kien żvelat kif l-eks-Rappreżentant Permanenti ta' Malta fl-Unjoni Ewropea ngħata €481,473 mill-Gvern Nazzjonalista wara li spiċċa mill-kariga minħabba mozzjoni ta' sfiduċja kontrih.
Dawn il-flus kienu jinqassmu hekk: €255,933 f'terminal benefits maqsumin f'€179,931 talli kien itterminat l-impjieg, €36,453 f'notice payment u €39,549 f'vacation leave.
Skont t-tagħrif mogħti fil-Parlament Cachia Caruana kien intitolat għal €6,265 fix-xahar għal tliet snin f'transitional allowance. Dan ifisser li kien intitolat għal €225,540 f'dan it-tip ta' ħlas.
Dan it-tagħrif ingħata lill-Parlament mill-Ministru għall-Affarijiet Barranin George Vella għall-mistoqsija Parlmentari tad-Deputat Laburista Silvio Schembri.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
