Wara l-publikazzjoni tar-rapport, il-Prim Ministru ħatar Bord biex jamministra dan id-dipartiment. Dan il-Bord huwa mmexxi mill-Imħallef Lawrence Quintano li hu wkoll chairperson tal-Kummissjoni Permanenti Kontra l-Korruzzjoni.
Ir-rejd seħħ fl-20 ta’ Jannar wara r-rapport tal-Awditur Ġenerali dwar il-każ li jinvolvi lil Mark Gaffarena u li fuqu kien hemm ir-riżenja ta’ Michael Falzon minn segretarju parlamentari. Skont artiklu fit-Times of Malta, il-pulizija qalu li din ma kinitx investigazzjoni imma operazzjoni biex jittieħdu dokumenti għall-Kummissjoni Permanenti Kontra l-Korruzzjoni.
Il-Gvern ħatar lil Deborah Schembri minflok Michael Falzon bħala Segretarju Parlamentari għall-Ippjanar u wkoll Bord għar-riforma fid-dipartiment magħmul mill-Perit Robert Musumeci, l-Avukat Vincent Galea u Edmund Tabone.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
