Il-Grupp Parlamentari Nazzjonalista iltaqa' sabiex jiddiskuti l-pożizzjoni tal-partit dwar l-abbozz ta' liġi li jikkriminalizza t-terapija ta’ konverżjoni għal persuni LGBTI.
Matul il-laqgħa, ġie deċiż li l-Oppożizzjoni għandha tappoġġja l-abbozz tal-liġi meta jitressaq fil-Parlament, ladarba jsir dan, għaliex il-PN sostna li dan l-abbozz għadu lanqas biss resaq għad-diskussjoni fil-Grupp Parlamentari Laburista.
Il-Partit Nazzjonalista ddiskuta l-kwistjoni anke fil-Kumitat Eżekuttiv tal-Partit, fejn ukoll ittieħdet pożizzjoni li l-Partit huwa kontra l-prattika tal-conversion therapy.
