F'perjodu ta' disa' snin, bejn l-2004 u l-2013, il-kumpanija ta' Ann Fenech, 'Fenech & Fenech' ingħatat 150 kuntratt, kollha b'direct order mill-Air Malta, li l-valur tagħhom ilaħħaq il-€531,000.
Il-kumpanija legali li tagħha Ann Fenech hi waħda mis-sidien, ingħatat dawn id-direct orders, li ħafna minnhom kienu b'rabta ma' konsulenzi dwar il-falliment tal-Azzura Air, li kienet kumpanija sussidjarja tal-Air Malta li kellha l-ajruplani tat-tip RJ. Dawn l-ajruplani kienu f'nofs kontroversja minħabba irregolaritajiet fix-xiri tagħhom.
Minbarra dawn id-direct orders relatati mal-Air Malta, fi żmien sentejn ingħataw disa' direct orders, li l-valur tagħhom ilaħħaq iktar minn €21,000.
Dan it-tagħrif ingħata fil-Parlament mill-Ministru tat-Turiżmu Edward Zammit Lewis għal mistoqsija ta' Godfrey Farrugia.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
