L-eks-CEO tal-grupp Farsons, Louis Farrugia li ilu għal xi snin b'kariga fil-bord tad-diretturi ta' Allied Newspapers Ltd, pubblikaturi ta' The Times, allegatament iltaqa ma' Daphne Caruana Galizia.
Fil-blogg ta' Glenn Bedingfield qed jingħad li Farrugia ltaqa' mal-blogger wara laqgħa importanti li saret il-ġimgħa li għaddiet, f'liema laqgħa ġew diskussi kwistjonijiet relatati mal-aħħar żviluppi fi ħdan l-istess kumpanija.
Huwa mifhum ukoll li din il-laqgħa saret fuq insistenza tal-istess Farrugia, u ssejħet ħin wara li ġew fid-deher l-allegazzjonijiet kontra d-direttur maniġerjali ta' Allied Newspapers, Adrian Hillman.
Intant, fil-kummenti fl-istess blogg, Daphne Caruana Galizia ċaħdet dan kollu u sostniet li hi ma ltaqgħetx ma' Farrugia fuq dan il-każ u lanqas fuq l-ebda każ ieħor.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
