Marlene Mizzi tappoġġja l-50 plus Entreprneurship Platform Europe

L-Ewroparlamentari Marlene Mizzi pparteċipat f'dibattitu ta' livell għoli fejn giet imnedija l-ħolqien ta' pjattaforma Ewropea msejha 50plus Entrepreneurship. Il-pjattaforma ta' 50+EPE hija inizjattiva organizzata minn grupp ta' organizzazzjonijiet bl-istess ideat, kumpaniji, NGOs u akkademiċi li ngħaqqdu flimkien biex jiġi żgurat li l-potenzjal tal-intraprendituri 50 + tigi rikonoxxuta b'mod sħiħ u sostnuta mill-policy makers Ewropew.

Marlene Mizzi, li ġiet introdotta għall-udjenza bħala "protagonista ewlenija u kelliema attiva ghal promozzjoni tal-inizjattivi tal-intraprenditorija fil-Parlament Ewropew", tkelmet dwar l-importanza li tingħata opportunita aħjar għall-persuni maturi li jixtiequ jsiru jew li jixtiequ jibqgħu ekonomikament attivi fi stadju aktar tard fil-ħajja tagħhom.

Hija ħeġġet lill-Istati Membri u l-UE biex ma jissottovalutax l-potenzjal tal-persuni 50+, li jippossjedu l-esperjenza, l-għarfien u l-ħiliet, iżda li wkoll qed ibatu minn long term unemployment, nuqqas ta' esperjenza fuq IT u ħiliet oħra relatati ma' mismatch u age-discrimination fi żmien ta' trasformazzjoni kbira tas-suq tax-xogħol u l-istaġnar ekonomiku.

Mizzi stiednet lill-Kummissjoni biex tiżviluppa programmi preċiżi li jappoġġjaw finanzjarjament imprendituri 50+ u programmi li jipprovdu aċċess faċli għal finanzjament, u jkun anke inkluż l-estenżjoni tar-rati ta' interess baxxi attwali u l- programmi ta' mikro-finanzjament li huma attwalment disponibbli għall-imprendituri żgħażagħ. "Ħafna drabi, il-banek huma ħerqana biex jipprovu self u finanzjament lill-persuni maturi speċjalment jekk dawn ma jkollhom l-ebda esperjenza bħala intraprendituri. B'dan il-mod ideat brillanti jintilfu tant qabel ma jkollhom iċ-ċans li jsiru realtà." qalet l-MEP Mizzi

"Hekk kif sal-2020. aktar minn terz tal-popolazzjoni li taħdem se jkollhom aktar minn 50, huwa kruċjalment importanti li naħtfu l-momentum u nutilizzaw il-potenzjal soċjo-ekonomiku ta' dan il-grupp demografiku, li sejjer jipprovdi longstanding benefits għal ekonomija Ewropea u jgħin lill-Istati Membri biex jirrispondu għall-isfidi soċjali li qed naffacjaw quddiemna bħala riżultat ta' sfidi demografiċi u workplace challenges," qalet l-Ewroparlamentari Mizzi.