'Laburisti ġenwini'... fost l-aktar frażi użata s'issa mid-Deputati Nazzjonalisti

Il-frażi 'Laburisti ġenwini' diġa ntużat 10 darbiet mid-Deputati Nazzjonalisti fl-ewwel erba' siegħat u nofs ta' dibattitu Parlamentari dwar mozzjoni ta' sfiduċja fil-Gvern. Dan juri illi l-Partit Nazzjonalista qed jindirizza, kif ilu jagħmel għal dawn l-aħħar xhur, lil dak il-persentaġġ ta' votanti tradizzjonalment Laburisti li bħalissa jinsabu diżillużi. George Pullicino saħansitra poġġa isem mal-'Laburisti ġenwini': Ġanna Borġ. Minkejja dan, ftit li xejn instemgħet l-istess frażi, imma, dwar in-Nazzjonalisti. 

L-aħħar stħarriġ tal-Maltatoday juri kif jeżistu madwar 10% tal-votanti Laburisti li bħalissa mhumiex kuntenti bil-Gvern u li qed jgħidu li ma jivvotawx kieku kellha ssir elezzjoni għada.