Jitħabbar investiment kbir minn Playmobil ... €30 miljun u 250 impjieg ġdid

Illum il-kumpanija Playmobil ħabbret investiment kbir ta' €30 miljun maqsum fuq tliet snin, li se jkun qed jara l-ħolqien ta' 250 impjieg ġdid mal-istess kumpanija li ilha stabbilita f'Malta għal snin twal. Dan il-proġett se jkun jikkonsisti fl-espansjoni tal-istess fabbrika fuq 16,000 metru kwadru ta' art u kien possibbli permezz tal-appoġġ li ngħata mill-Malta Enterprise u l-Malta Industrial Parks.

L-investiment tħabbar mil-Kap Eżekuttiv ta' Playmobil Mathias Fauser fil-preżenza tal-Prim Ministru Joseph Muscat u l-Ministru Chris Cardona.