Pass storiku għall-inklużjoni ta' persuni b'diżabilita' fid-dinja tax-xogħol

Iffirmat Memorandum of Understanding li jibni l-bażi tal-inklużjoni soċjali ta' persuni b'diżabilita'

28 t'April 2016 15:46
minn Albert Gauci Cunningham

Iffirmat Memroandum of Understanding għal aktar inklużjoni ta' persuni b'diżabilita'

Illum ġie ffirmat Memorandum of Understanding illi se jkun ibbażat fuq 13-il punt u li permezz tiegħu l-ETC, il-Kamra tal-Kummerċ u l-Malta Employers Association qablu fuq il-prinċipju li jaħdmu favur aktar inklużjoni soċjali fuq il-post tax-xogħol.

Il-Memorandum of Understanding (MoU) huwa parti mill-ħidma tal-Gvern biex ikun salvagwardjat u ma ħadd ma jkun eskluż mis-soċjeta'.

Il-Prim Ministru qal illi dan il-qbil iwassal għal sinjal ċat mill-gvern illi l-ġustizzja soċjali u t-tkabbir ekonomiku jmorru id f'id. "Meta l-Gvern u l-imsieħba soċjali jaħdmu id f'id nistgħu nakkwistaw riżultati aħjar. Filwaqt li faħħar ix-xogħol li wettaq Gverbn preċedenti f'dan il-qasam Muscat qal li ndan il-Gvern issa qed imur għat-tieni fażi tal-ħidma f'dan is-settur fejn l-integrazzjoni ma tibqax biss marbuta mal-iskejjel.