Minn Jannar tas-sena 2014 kienu b'kollox 16.776 persuna li għaddew mill-eżami tas-sewqan u ġabu l-liċenzja. Minn ċifri li ngħataw mill-Ministru għat-Trasport u Infrastruttura Joe Mizzi jirriżulta li fl-2014 u fl-2015 u minn kif jidhru s'issa l-affarijiet din is-sena, medja ta' 6,000 kull sena tgħaddi mill-istess eżami u tikseb il-liċenzja tal-karozza.
B'kollox fl-2014, 6,500 persuna ngħataw il-liċenzja, fl-2015, 6,675 persuna ġabu l-liċenzja filwaqt li fl-ewwel sitt xhur tas-sena li qegħdin figha diġa ġabu l-liċenzja 3,361 persuna. Intant fl-istess perjodu ta' żmien total ta' 329 persuna tilfu l-liċenzji wara offiżi relatati mat-traffiku.
Din l-informazzjoni ngħatat minn Mizzi għall-mistoqsija Parlamentari tad-Deputat Nazzjonalista Ċensu Galea.
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
