L-Awtorità tar-Riżorsi u l-Ambjent (ERA) qed toġġezjona li l-Enemalta tgħaddi l-elettriku permezz ta' sub-station lill-kmamar li hemm fil-Ġnejna. "L-impatt ta' żvilupp illegali fuq sit Natura 2000 hija ta' tħassib serju minn angolu ambjentali. Għalhekk," kompliet tgħid l-ERA f'kummenti lill-gazzetta Maltatoday, "noġġezzjonaw fil-prinċipju għal applikazzjoni li hija intenzjonata biex tagħti s-servizz tad-dawl lil dawn il-proprjetajiet. ."
L-oġġezzjoni tal-ERA tingħaqad ma' dik ta' Din L-Art Ħelwa li fakkret kif apparti li dawl fil-post joħloq tniġġiż se jkun qed jagħti wkoll leġittimità "lil dawn l-istrutturi illegali."
