Tibda l-votazzjoni għall-kap ġdid tal-PN

Adrian Dekia jivvota, warajh tidher martu Nickie Vella De Fremaux

Illum mistennija jivvutaw il-membri tal-Kunsill Ġenerali tal-Partit Nazzjonalista għal-kap il-ġdid tal-partit.

Dawk li għandhom huma; ufiċjali li jagħmlu parti mill-Eżekuttiv, Membri tal-Grupp Parlamentari, Kunsillieri lokali, Membri tal-Kumitat Amministrattiv, Membri tal-Kumitat Reġjonali ta’ Għawdex, Moviment Żgħażagħ Partit Nazzjonalista, Moviment Nisa tal-Partit Nazzjonalista, Solidarjetà Ħaddiema PN, Assocazzjoni Pensjonanti Anzjani Zazzjonalisti, Forum Negozji Żgħar u Medji, Forum Opportunitaijiet Indaqs u l-Membri tal-Forum tal-Professjonista tal-PN.

Jistgħu jivvutaw ukoll il-kandidati għall-elezzjoni ġenerali u tal-Parlament Ewropew, l-MPE’s, u eks uffiċjali tal-PN.

L-akbar ammont ta’ voti, imma huwa kompost mir-rappreżentanti tal-lokalitajiet fuq il-kumitati sezzjonali (ara l-kaxxa isfel).

128–il kunsillier diġà vvutaw kmieni nhar is-Sibt illi għadda.

Din hi l-ewwel fażi tal-elezzjoni, it-tieni fażi tkompli fis-16 ta’ Settembru mat-28 elf tesserat ser ikunu qegħdin jagħmlu l-għażla tagħhom.

Din hi l-ewwel darba li Kap ta’ partit se jiġi elett b’din is-sistema f’pajjiżna. Fl-aħħar ġimgħat rajna erba’ kandidati jisiltu biex jieħdu l-ħatra ta’ Kap, battalja li dominat il-midja lokali b’allegazzjonijiet, botti u risposti.

Il-votazzjoni se tiftaħ fit-8.00am filwaqt li r-riżultat taż-żewġ kandidati li jgħaddu għall-istadju li jmiss, mistenni jkun mħabbar tard is-Sibt bil-lejl.