Tlieta minn nies involuti f'inċident f'Għajnsielem dalgħodu

Tlieta minn nies, żewġt irġiel u mara, kienu involuti f'inċident li seħħ dalgħodu f'Għajnsielem. Dan ġara wara li l-vettura, tat-tip Isuzu Gemini, li kienet qed tinstaq mill-mara baqgħet dieħla f'vettura tal-Protezzjoni Ċivili li dak il-ħin kienet ipparkjata fi Triq l-Imġarr, f'Għajnsielem. 

Dan is-sit huwa infurmat li l-irġiel li kienu passiġġiera huma kollha ta' bejn 30 u 40 sena u kollha kemm huma ttieħdu l-isptar għall-kura. 

Wieħed mill-irġiel sofra minn ġrieħi gravi, l-ieħor minn ġrieħi ħfief. Sa issa l-qagħda tal-mara li kienet qed issuq għadha mhux magħrufa. 

L-inċident seħħ dalgħodu għall-ħabta tat-8:10 a.m.