L-aħħar tislima lil Colin Muscat ser issir nhar l-Erbgħa

L-aħħar tislima lil Colin Muscat, li tilef ħajtu fl-isplużjoni tal-kamra tan-nar ta’ San Ġwann, se ssir nhar il-Erbgħa li ġej, fit-3:30pm, fir-Rotunda tal-Mosta.

Fi stqarrija, l-Għaqda Piroteknika 11 ta’ Frar ta’ San Ġwann qalet ukol li Clint Grima, għadu rikoverat fl-Isptar minħabba l-ġrieħi li ġarrab.

Filwaqt li bagħtet il-kondoljanzi lill-familja, l-Għaqda rringrazjat lill-Forzi tal-Ordni, b’mod partikolari lil Dr Jonathan Joslin u Dr Michael Spiteri li kienu minnufih fuq il-post u taw l-ewwel għajnuna.

Colin Muscat tilef ħajtu lbieraħ filgħaxija.