Tmut il-mara tal-President Emeritu Ċensu Tabone

Dalgħodu mietet Maria Tabone, il-mara tal-President Emeritu Ċensu Tabone.

Tabone, li kellha 98 sena, hija magħrufa għal kemm kienet dejjem viċin ir-raġel tagħha, kemm fil-karriera medika u politika tiegħu u anke fiż-żmien li serva bħala President tar-Repubblika, bejn l-1989 u l-1994.

Żewġha Ċensu, miet f'Marzu tal-2012. Huma kienu ilhom miżżewġa aktar minn 70 sena.

Il-Kap tal-Partit Nazzjonalista, Adrian Delia, iddeskriva lil Maria Tabone bħala "mara dinjituża ta’ servizz fil-kwiet."