Diversi Laburisti jagħtuha għal fuq Facebook biex jikkritikaw lil Franco Debono
Diversi votanti Laburisti jtuha għal Facebook u jiftħu l-kanuni fuq Franco Debono wara li dan kiteb blogg illi fih qal li Egrant hija jew ta' Joseph Muscat jew ta' xi ħadd qrib tiegħu
minn Albert Gauci Cunningham
Kif mistenni l-blogg ta' Franco Debono, illi fih qed jikkritika bil-qawwi lill-Prim Ministru u jinsisti li Egrant hija tiegħu jew inkella ta' xi ħadd qrib tiegħu qajjem reazzjoni qawwija wkoll.
Iżda forsi l-aktar li qed jikkritikaw lil Franco Debono huma l-votanti Laburisti. Fost il-kummenti ta' kritika hmm dik illi Debono biddel kliemu dwar il-kwistjoni ta' Egrant filwaqt li oħrajn qed jinsistu li dan huwa kollu tort tal-Partit Laburista, għax skonthom lill-Laburisti "jsawwathom" jew jinjorahom filwaqt illi jippremja lil dawk li daru mal-PL fl-2013.
Facebook bħalissa qed jimtela' b'memes diversi dwar Debono u messaġġi xejn ta' kumpliment lejn dan id-Deputat li kien ħadha kontra l-Partit Nazzjonalista u li kien saħansitra vvota mal-Oppożizzjoni dak iż-żmien Laburista fir-rigward tal-baġit. Vot kontra l-Gvern fil-baġit jiġi daqslikieku vot ta' sfiduċja.
Gvern Laburista kien imbagħad appuntah Kummissarju tal-Liġi, flimkien oħrajn.
