Raġel iweġġa' wara li waqa' ġo xaft

Raġel ta' 64 sena qed isofri minn ġrieħi gravi wara li waqa' għoli ta' madwar sular u nofs ġo xaft ta' garaxx.

Il-każ seħħ dalgħodu, għall-ħabta tad-9:30am, fi Triq id-Dulliegħ, iż-Żejtun. 

Fuq il-post issejħu l-ħaddiema tal-Protezzjoni Ċivili biex jassistu lill-vittma u ambulanza li ħadet lir-raġel Mater Dei biex jingħata l-kura meħtieġa.

Il-Pulizija għadha qed tinvestiga l-każ.