Alfred Sant u Frank Psaila b'żieda fil-popolarità fl-aħħar sondaġġ

Alfred Sant u Miriam Dalli ras imb'ras filwaqt li Frank Psaila jaqla' lil David Casa mit-tieni siġġu għall-PN, imma 49.3% għad m'għandhomx kandidat preferut

Alfred Sant u Frank Psaila
Alfred Sant u Frank Psaila

Miriam Dalli, Alfred Sant u Roberta Metsola jibqgħu l-iktar tliet kandidati għall-elezzjoni tal-Parlament Ewropew popolari, b'Alfred Sant jara żieda qawwija favurih biex issa jinsab ra imb'ras ma' Miriam Dalli. 

Dan jirriżulta minn stħarriġ li kien ippublikat ilbieraħ fuq il-gazzetta oħt Maltatoday li juri illi Sant u Dalli jinsabu fuq quddiem b'8.6% kull wieħed/waħda.Sant żied il-preferenza għalih b'3.5% meta mqabbel mal-istess stħarriġ tal-istess gazzetta f'Marzu li għadda. Minn naħa l-oħra Metsola naqqset 0.8%. 

Frank Psaila, minn naħa l-oħra, żied b'1.6% biex għall-ewwel darba jidher li qiegħed attivament jilgħab għat-tieni siġġu tal-PN. 

Fil-ħames post ġiet il-kanididata Għawdxija f'isem il-Partit Laburista Josianne Cutajar li kisbet 1.8% fi preferenza.

David Casa jiġi fis-sitt post flimkien ma' Peter Agius b'1.3%, Agius ukoll qed jidher fis-sondaġġ għal-ewwel darba, sinjal ta' żieda fl-appoġġ. 

Minkejja dan ir-riżultat tajjeb wieħed jinnota illi 49.3% ta' dawk kollha li kienu mistoqsijin qalu li għadhom ma ddeċidewx dwar il-preferenza tal-vot tagħhom f'termini ta' kandidat. 

Miriam Dalli hija l-aktar popolari fost dawk li vvutaw lill-PL fl-2017 b'15.8%. Isegwiha fil-qrib hamm Alfred Sant b'15.3% u warajhom b'differenza kbira hemm Josianne Cutajar b'3.5%. Alex Agius Saliba kiseb 1.9% tal-preferenza tal-voti Laburisti u Engerer kiseb 0.3%. 

Minn naħa l-oħra Metsola kisbet 11.4% tal-voti Nazzjonalisti fl-2017 u Frank Psaila jsegwiha fil-qrib b'11.2%

Peter Agius u David Casa jiksbu 3.4% u 3.3% rispettivament. David Stellini qed jikseb 1% tal-voti Nazzjobalisti fl-aħħar elezzjoni u Francis Zammit Dimech 0.9%.

 

More in Politika