Membru ieħor għall-Familja Rjali ... Maghan u Harry ikollhom tifel

Id-Dukessa ta' Sussex Maghan Marke u l-Prinċep Harry, kellhom l-ewwel tarbija tagħhom, tifel li twieled illum waranofsinhar.

"Kienet l-isbaħ esperjenza li nista' nimmaġina," qal il-prinċep Harry ftit wara li ħarġet l-aħbar waqt li rringrazzja lill-pubbliku għall-appoġġ.

Kif wieħed jista' jimmaġina, diġà qamu ħafna mistoqsijiet dwar l-isem li l-koppja rjali mistennija jagħtu lit-tifel, iżda l-Prinċep Harry qal li għadhom qed jiddiskutu.

Fuq il-paġna uffiċjali ta' Instagram tal-koppja rjali ntqal li kemm l-omm u anke t-tarbija jinsabu f'kundizzjoni tajba ta' saħħa.

Aktar tard, fi stqarrija, Buckingham Palace qal li kemm ir-Reġina, id-Duka ta' Edinburgh, il-Prinċep ta' Wales, id-Dukessa ta' Cornwall, id-Duka u d-Dukessa ta' Cambridge u membri oħra tal-Familja Rjali kienu infurmati u huma kuntenti ħafna bl-aħbar.

It-tifel tal-Prinċep Harry u s-seba' wieħed fil-linja tas-suċċessjoni tat-tron wara l-Prinċep ta' Wales, id-Duka ta' Cambridge u uliedu - il-Prinċep George, il-Prinċipessa Charlotte, il-Prinċep Louise - u missieru l-Prinċep Harry.

Huwa wkoll it-tmien proneputi tar-Reġina Eliżabetta II.

View this post on Instagram

We are pleased to announce that Their Royal Highnesses The Duke and Duchess of Sussex welcomed their firstborn child in the early morning on May 6th, 2019. Their Royal Highnesses’ son weighs 7lbs. 3oz. The Duchess and baby are both healthy and well, and the couple thank members of the public for their shared excitement and support during this very special time in their lives. More details will be shared in the forthcoming days.

A post shared by The Duke and Duchess of Sussex (@sussexroyal) on May 6, 2019 at 6:37am PDT