Studenti u għalliema jipprotestaw ... jagħlqu l-karreġġjati ta' Triq Reġjonali

Numru ta' studenti universitarji kif ukoll numru ta' letturi tal-Università, attivisti ta' Repubblika u l-MEP Roberta Metsola ħarġu fuq protesta spontanja kontra l-Gvern. Huma għalqu t-triq tal-madwar l-iskate park kif ukoll it-Triq Reġjonali billi poġġew bilqiegħda fiż-żewġ karreġġjati u waħħlu t-traffiku. 

Fost il-ħoss tal-ħornijiet tal-karozzi l-folla żgħira imma determinata ta' studenti bdiet tgħajjat, "assassini, assassini" u "mafja, mafja."

Naturalment dan wassal għal rabja fost dawk ix-xufiera li nqabdu fit-traffiku li bdew jgħajtu u jisħqu li dawn għandhom jagħmlu l-ispazju.