55 każ ġdid ta' Covid-19, Ifiequ 43 pazjent

Fl-aħħar 24 siegħa, hekk kif saru 2,194 test, 55 persuna rriżultaw pożittiv għall-Covid-19.

Mill-banda l-oħra, fiequ 43 pazjent biex issa l-għadd tal-każi attivi huwa ta' 680.

Il-każi tal-lum għadhom qed ikunu investigati.

Intant, mill-35 każ imħabbra lbieraħ jirriżulta li:

• ħamsa kienu qraba ta' pazjenti li rriżultaw pożittiv fil-jiem li għaddew;
• ħamsa kienu kuntatti diretti ta' pazjenti;
• tnejn kienu kollegi ta' pazjenti li ħarġilhom il-Covid-19;
• każ wieħed huwa mill-cluster ta' Paceville;
• każ wieħed kien impurtat; u 
• erba' każi rriżultaw minn attivitajiet li għalihom attendew għadd ta' persuni.

Il-bqija tal-każi mħabbra lbieraħ kienu sporadiċi.

Id-dettalji tal-każi li rriżultaw fl-aħħar 24 siegħa se jingħataw għada mill-awtoritajiet tas-saħħa.