15-il persuna arrestati fuq droga f'party fil-padiljun tal-Basketball

Fil-lejl bejn is-7 u t-8 ta' Settembru 2013 waqt festin li kien qed isir fil-padiljun tal-Basketball ta' Kordin ġew arrestati 15-il persuna b’konnessjoni ma’ pussess u traffikar/pussess mhux għall-użu esklussiv ta’ drogi. Dawn skont il-Ministru tal-ġustizzja li kien qed iwieġeb mistoqsija parlamentari tal-Onor Jason Azzopardi ġew imtella l-qorti kollha. Għaxra minnhom fuq pussess sempliċi ta' droga, tliet persuni fuq traffikar u  pussess mhux għall-użu esklussiv u tnejn  fuq traffikar.