Qorti tal-appell fl-Eġittu ordnat sabiex jerġa' jibda l-proċess quddiem il-qorti tal-eks President Hosni Bumarak. Huwa ser jerġa' jitressaq fuq il-qtil ta' dimostranti fl-2011.
Mubarak kien inħeles mill-akkużi f'Novembru tal-2014, wara li oriġinarjament ingħata għomru l-ħabs għall-mewt ta' 800 persuna waqt ir-rivoluzzjoni li kienet faqqset fl-Eġittu.
Kien ukoll instab ħati ta' korruzzjoni u ingħata tliet snin ħabs aktar kmieni din is-sena.
Mubarak, ta' 87 sena bħalissa jinstab fl-Isptar Militari Maadi fil-Kajr.
Il-Qorti tal-Kassazzjoni qalet li Mubarak ħa jerġa' jitressaq il-qorti fil-5 ta' Novembru - jiġifieri it-tielet darba li ħa jerġa' jinstema l-każ.
Mubarak, li kien president għal kważi 30 sena, irreżenja fi Frar tal-2011 wara li kien hemm dimostrazzjonijiet kbar kontrih.
