Raġel fil-periklu tal-mewt wara li jaqbeż mid-Dwejra

Raġel ta' 22 sena mill-Polonja jinsab f'qagħda kritika wara li sofra xi ġrieħi dalgħodu f'San Lawrenz, Għawdex.

Il-pulizija qalet li r-raġel weġġa wara li qabeż mit-Tieqa ta' Dwejra u li ftit mumenti wara huwa kien qed isejjaħ għal għajnuna. Ir-raġel ingħata l-ewwel għajnuna minn persuni li nzertaw kienu fuq il-post.

Ir-raġel ittieħed l-Isptar ta' Għawdex permezz ta' ambulanza. Huwa ġie ċċertifikat li qed isofri minn ġrieħi serji u li qiegħed fil-periklu tal-mewt.

Il-Maġistrat tal-Għassa fetħet inkjesta.