Raġel Malti ta’ 48 sena tilef ħajtu llum wara li ħabat bil-mutur tiegħu ma’ trakk fil-highway ta’ bejn Sirakuża u Catanja, f' Sqallija.
Skont rapport ta’ Siracusa News, l-inċident seħħ wara li għal xi raġuni mhux magħrufa, mutur bi pjanċi Maltin u misjuq minn ċertu Norbert Cutajar, ħabat fi trakk li kien qed jinstaq quddiemu. Il-vetturi kienu qed jinstaqu fl-istess direzzjoni.
Huwa ġie ddikjarat mejjet fuq il-post.
