Raġel barrani ta’ 26 sena residenti s-Swieqi weġġa gravi wara li ġie ferut b’daqqa ta’ sikkina f’San Ġiljan dalgħodu.
Il-pulizija qalet li l-inċident seħħ għall-ħabta tat-7:55 ta’ filgħodu meta r-raġel ġie ferut waqt li kien miexi fi Triq Santu Wistin. L-aggressur ħarab minn fuq il-post.
Fuq il-post marret ambulanza li ħadet lill-vittma l-Isptar Mater Dei.
Huwa ġie ċċertifikat li qed isofri minn ġrieħi gravi.
L-identità tal-aggressur għadha mhix magħrufa, filwaqt li t-tfittxija tal-pulizija għadha għaddejja.
