Raġel ta' 33 sena mill-Azerbaijan ingħata sentenza ta' sena ħabs wara li nstab ħati li prova jisraq minn ħanut tal-moda fil-Belt Valletta
Denis Prokofjev, ta' 33 sena, mill-Azerbaijan, kien akkużat li għall-ħabta tal-17:00 ta' wara nofsinhar tal-bieraħ, prova jwettaq serqa f'ħanut fil-Belt. L-Ispettur Priscilla Caruana akkużat ukoll lil Prokofjev li kiser il-kundizzjonijiet ta' ħelsien mill-arrest minn sentenza preċedenti.
Il-Maġistrat Neville Camilleri sab lill-akkużat ħati tal-akkużi miġjubin kontrih u għaldaqstant tah piena ta' sena ħabs. Prokofjev informa lill-Qorti se jappella għas-sentenza.
