Emmanuel Navarro ta’ 66 sena min-Naxxar tressaq il-Qorti mixli li ħeġġeġ il-mibgħeda fuq bażi politika, għamel użu ħażin ta’ tagħmir teknoloġiku, insulta u hedded lill-MEP Nazzjonalista Roberta Metsola.
Dan skont il-Kodiċi Kriminali u l-Att dwar l-Istampa.
F’kumment li għamel fuq il-mezzi soċjali, Navarro kien kiteb li Roberta Metsola hija traditriċi ta’ Malta u li għandha tinħaraq ħajja.
Fil-Qorti huwa staqsa għaliex kien tressaq arrestat.
L-akkużat stqarr li ma kien ħati tal-akkużi mressqa kontrih filwaqt li t-talba għall-ħelsien mill-arrest ġiet miċħuda.
Il-Qorti ordnat ukoll li tinħareġ ordni ta’ protezzjoni lil Roberta Metsola.
