Ilbieraħ għall-ħabta tal-ħamsa ta’ wara nofsinhar, il-Pulizija ġiet infurmata li seħħ inċident tat-traffiku f’Misraħ Karlu Diacono fiż-Żejtun.
Minn stħarriġ preleminari rriżulta li mara ta’ 78 sena residenti ż-Żejtun, intlaqtet minn Toyota Hi Ace misjuq minn raġel ta’ 39 sena residenti Ħal Tarxien.
Tim mediku ssejjaħ fuq il-post sabiex tingħata l-għajnuna meħtieġa. Il-mara ttieħdet b’ambulanza l-Isptar Mater Dei għall-kura fejn ġiet iċċertifikata li ġarrbet ġrieħi serji.
Il-Maġistrat tal-Għassa Donatella Frendo Dimech fetħet inkjesta, filwaqt li l-Pulizija għadhom għaddejjin l-investigazzjonjiet.
