Mara tintlaqat minn karozza u tweġġa’ gravi

Mara ta’ 22 sena kienet involuta f’inċident tat-traffiku fi Triq San Luqa, Tal-Pietá.

Minn stħarriġ preleminari rriżulta li l-mara ntlaqtet minn karozza li kienet qed tinstaq minn mara ta’ 46 sena residenti s-Siġġiewi. 

Il-vittma ttieħdet l-Isptar Mater Dei għal xi t-tlieta ta’ waranofsinhar b’ambulanza u ġiet iċċertifikata li ġarrbet ġrieħi gravi.

 L-investigazzjonijiet mill-Pulizija għadhom għaddejjin.